指一件事情前後關係嘅線索。
正解：
“來龍去脈”原為風水用語，指山勢脈絡嘅來源和去向。
風水環境選擇嘅精髓係：龍、穴、砂、水四大要素，而準則係龍真、穴地、砂環、水抱。龍即山脈，龍真指有生氣流動嘅山脈，其中嘅主山就叫來龍；從山頂蜿蜒而下嘅山樑就係龍脈，又稱為去脈；穴指山脈停駐，生氣聚結嘅吉穴，其實古人最早是穴居野處，所以穴地指用來安居、下葬嘅場地。砂指穴周圍嘅山勢，砂環指穴地背側和左右山勢，重疊環抱嘅自然環境，砂環可以使地中聚結嘅生氣不被風吹散。水指與穴相關嘅水流、水向，水抱指穴地面前有水擁抱，水抱使地中生氣環聚在內，唔會走失。
由於尋龍(揾來龍)嘅目的係點穴，點穴必須先尋龍，所以勘測風水首先要搞清楚來龍去脈，順應龍脈走向，以氣脈聚集處定為龍穴(點穴)，然後喺果度作墓地或者建造房屋，就可以得到吉祥。由此可見，風水四大要素中，龍脈係最重要，無龍嘅話，則穴、砂、水就無從談起。因此，呢個最初嘅風水用語，後來就借用嚟指事情嘅來歷和發展啦。
俗語、諺語、俚語、成語講得多，用得多，總會放啲喺褲袋以備不時之需，但大家知唔知，其實當中嘅詞彙好多來自風水玄學？