意思係一塊地；而引申出來嘅意思有：範圍、區域或某地點，亦可解作事或物嘅一部份。似乎冇乜人唔識解，但地字後面點解有“方”？
正解：
“地方”係來自中國古代漢族陰陽學說嘅“天圓地方”，係《易經》陰陽體系中對“天”與“地”生成同埋運行嘅解讀。古人發現，每當天象能量有變化時，地亦會有變化，比如當春天以“木”屬性能量來到，大地就會解凍，種子開始發芽，所以隨著四季的變化就有春生、夏長、秋收、冬藏嘅活動。
由於圓形有周而復始、循環不息嘅意思，所以古人講“天圓”就係用來描述時間；而大地屬於靜態，似一個方形物體靜止穩定，於是就有“天圓地方”嘅概念。另外，“方”亦解作方位，所以古人用“四面八方”來描述方位，又叫“地方”。換言之，“天圓地方”就係講時間和空間，即係古人對時空的概念。
由於係社會嘅主流意識形態，所以秦朝統一至清朝末年時期用嘅圓形方孔錢嘅設計，都係來自“天圓地方”思想觀念。仲有就係，西九龍嘅 Element 商場，中文叫圓方，入面以五行金、木、水、火、土區劃分嘅設計，都係來自玄學架。
俗語、諺語、俚語、成語講得多，用得多，總會放啲喺褲袋以備不時之需，但大家知唔知，其實當中嘅詞彙好多來自風水玄學？