一般解作變化多端或花樣多多嘅意思。
正解：
源自中國古代打仗用嘅戰陣法名稱：「五花陣」同「八門陣」。
「五花」源出五行，即金、木、水、火、土，順序代表嘅顏色係：白、綠、黑、紅、黃；由於五隻色溝埋可以變成多種顏色，所以可以令敵軍眼花繚亂，製造錯覺；另外，陣法當中亦有五行生剋制化之理，所以從春秋戰國時期嘅軍事戰略中已經開始流行。
「八門」源出奇門遁甲嘅八門：休、生、傷、杜、景、死、驚、開。奇門遁甲各門有不同用法，而當處於不同宮位時又有吉凶之分，變化多端。奇門遁甲古時主要應用喺戰略陣法同占卜，相傳三國時期，魏國曹仁發明嘅「八門金鎖陣」試過令關羽深陷其中，迷失方向，但最終就俾諸葛亮嘅老友徐庶破解咗；之後諸葛亮又 upgraded 咗八門金鎖陣變成「八卦陣」。而現代就主要利用奇門遁甲做占卜，但亦有師傅應用喺風水。
俗語、諺語、俚語、成語講得多，用得多，總會放啲喺褲袋以備不時之需，但大家知唔知，其實當中嘅詞彙好多來自風水玄學？